ހުރިހާ ކުދިން ޝާމިލުކުރުމުގެ ސިޔާސަތަށް ޕްރިންސިޕަލުން އަހުލުވެރި ކުރުވުމަށް ބޭއްވި އޮރިއެންޓޭޝަން ޕްރޮގްރާމް ނިމިއްޖެ
އަތޮޅުތަކުގެ ޕްރިންސިޕަލުންނަށް އަމާޒުކޮށްގެން ކުރިއަށް ގެންދިޔަ އޮރިއެންޓޭޝަން ޕްރޮގްރާމް ނިމިއްޖެއެވެ. މި ޕްރޮގްރާމްގައި 158 ޕްރިންސިޕަލުންވަނީ ބައިވެރިވެފައެވެ.
4 ސެޝަންއަކަށް ބަހާލައިގެން ކުރިއަށް ގެންދިޔަ މި ޕްރޮގްރާމްގައި ހުރިހާ ކުދިން ޝާމިލުކުރުމުގެ ސިޔާސަތާއި އެ ސިޔާސަތުގެ ދަށުން އެކުލަވާލާފައިވާ އެކިއެކި އުސޫލުތަކަށް ޕްރިންސިޕަލުން އަހުލުވެރި ކުރުވުމުގެ އިތުރުން، ހުރިހާ ކުދިން ޝާމިލުކޮށްގެން ކިޔަވައިދިނުމުގައި އިސްކަން ދޭންޖެހޭ ބައެއް ކަންކަމަށް އަލިއަޅުވާލާފައެވެ. މީގެ އިތުރުން ޑިޕާޓްމެންޓް އޮފް އިންކްލޫސިވް އެޑިޔުކޭޝަނުން ފޯރުކޮށްދޭ އެކިއެކި ހިދުމަތްތަކާއި ބެހޭގޮތުންވެސް ވަނީ މި ޕްރޮގްރާމްގައި އަލިއަޅުވާލާފައެވެ.